الشقة

هات النسخة التانية من مفاتيح الشقة وازاي تسمح لنفسك تدخل شقة مش شقتك
بس مفيش اي رد خالص المهم لمحت ظل اسود باين من تحت عتبت الباب زي مايكون هو واقف وسامع كل كلمة بتتقال
المهم رجعت تاني للشقة بتاعتي واتصلت ب امجد وقولت لية أية يا امجد هو أية حوار الراجل اللي في وش شقتي دا وازاي تديلة نسخة من المفتاح بتاع الشقة 
رد عليا وقالي انت قصدك عم عصام ياعم دا راجل غلبان هو يمكن بس تصرفاتة غريبة لان مفيش اي حد بيسأل علية حتي اولادة كمان والله راجل طيب
طبعا رديت علية بعصبية راجل طيب أية وزفت أية وقفلت
المهم تاني يوم
علي الظهر خبط علي باب شقة عصام دا وفتح الباب قولت لية ازيك ياعم عصام اخبارك امجد كان بيقولي أن اخد بالي منك واي حاجة عايزها هجبهالك ولة انت بتحب تدخل الشقة عندي وتجيب اللي عاوزة قالي اهلا بيك اي أوامر
رديت علية وقولت انت دخلت عندي الشقة امبارح مش كدة قالي هو الصراحة أيوة بس يابني انا من نوع اللي بمشي وانا نايم
رديت علية بكل عصبة أيوة يعني انت طلعت نسخة وأنت نايم ولة الحيوان امجد ادالك نسخة وياريت لو معاك نسخة تدهالي
لقيت مرة واحدة كدة ابتسم والصراحة انا اول مرة اشوفة بييتسم وقالي انت هتتعشي معايا النهاردة وهستناك وياعم خود مفاتيح الشقة ولو عايز تغير اي حاجة في باب الشقة براحتك انا س كنت خاېف أن في شباب مش كويسين يسكنوا الشقة بس انت طلعت محترم
المهم روحت لعم عصام بليل تعشينا مع بعض وفضلنا نحكي في كلام كتير واتصورنا مع بعض وطلع راجل محترم جدا وطيب وعشنا مع بعض ايام حلوة جدا انا اروح لية الشقة انضفلوا الشقة وهو يجي ليا ونقعد مع بعض ونحكي وبصراحة كل اللي حوارت اللي قولتها عن الراجل دا بصراحة كنت ظلموا
المهم في يوم من الايام وكنت قاعد علي الفيسبوك افتكرت الصورة اللي كنت انا وعم عصام مع بعض فيها نزلتها عندي وكتبت
أنا وجاري العزيز
عم عصام
لقيت حد عملي كومنت وهو امجد بيقولي هو مين دا جارك مين يابني قولت لية دا عم عصام جارك انت اللي قولتلك علية قالي طب انا هرن عليك كل الكلام دا كان علي الكومنت
رن عليا وقالي أيوة يا احمد مين الراجل اللي انت حاطوا دا هو فعلا في واحد عارفوا اسموا عصام بس مش دا الراجل عصام اللي قاصدي علية هو قصير واسمراني استني هبعتلك صورتوا
اول لما فتحت الصورة قولت يانهار اسود دا الراجل دا اللي انا شوفتوا في المطبخ عندي مدبوح روحت جري لشقة عم عصام عمال اخبط ومفيش اي رد رجعت شقتي تاني لقيت كيس اسود فتحت الكيس لقيت اللي كان امجد بعتلي صورتوا هو عم عصام بس دا الحقيقي بلغت الشرطة. فورا
والشرطة اول لما وصلت بلغتهم عن مواصفات الشخص اللي كان في الكيس قالولي اللي انت بتوصفة دا اتعدم من زمان وهو كان عايش في نفس المنطقة دي وكان اي حد من المنطقة 
اومال مين اللي كنت قاعد معاة دا دا انا كنت بروح عندوا الشقة ونقعد ونحكي مع بعض واتصورنا مع بعض ونزلت الصورة علي الفيسبوك الشرطة مشيت من هنا ودخلت اوضتي وقفلت الباب ولقيت حد بيخبط علي باب الاوضية قولت مين مين رد وقال
انا عم عصام
انا عم عصام
انا عم عصام 
تمت