اخر ايام الفنان محسن سرحان

ا📌لفنان محسن سرحان في أواخر أيامه.. وبالمناسبة هو مش اخو شكري ولا صلاح ولا سامي سرحان ولا ليه علاقة بخالد سرحان الممثل .. خالد يبقى ابن سمير سرحان اللي كان ماسك الهيئة العامة للكتاب.. وهتلاقى ليه كلمة في الكتاب بتاعت الهيئة.. 
🛑، محس سرحان حكي ازاي دخل الفن، والموضوع بدأ بخناقة، محسن بيحكي لمجلة الكواكب (في تقرير اعاد نشره اليوم السابع): " سنة 1937 كان شخص رياضي وبيلعب رياضيات كتير في اندية الشباب زي الملاكمة زرفع الاثقال.

🛑 وكان متعود ياخد صحابه يسهروا في شارع عماد الدين... يشوفوا مرسحية.. فعلى بال ما تفتح المسرحية قعدوا على قهوة بيرون.. لان كان بيقعد فيها الفنانين والمخرجين...

🛑وهو قاعد لقى زبون قل ادبه على الجرسون ومحدش اتدخل.. فمحسن مسك الزبون دا عمله الادب.. وبان بقى انه الشهم المخلص.. الواد مفتول العضلات..

📌مين كان قاعد بيتفرج على القصة دي؟

🛑المخرج أحمد جلال (اللي هو ابو نادر جلال.. وجد المخرج احمد نادر جلال)... المخرج اعجب بشجاع محسن وقال دا لازم يمثل.. وقاله يا بني لازم تزورني مكتبه بشركة لوتس فيلم..

🛑طبعا محسن مش جايله نوم عايز يروح يشوف ايه الفيلم وايه الحكاية.

🛑فراحله  فعلا ومضى معاه عقد بطولة فيلم "فتش عن المرأة".. فنجح فيه وبعدها جابه في فيلم حياة الظلام.. وانطلق في مشواره..

🛑من المعروف ان محسن سرحان اتجوز من سميحة ايوب.. سميحية بتقول ان شكري سرحان اتقدملها واهلها رفضوه.. فحتى المذيع قالها تتجوزي محسن وشكري اخوه لا.. قالتله حبيبت محسن.. لكن والله يا جماعة محسن ما اخو شكري اصلا.. (محسن بورسعيدي وشكري واخواته من الشرقية)...

🛑 اتجوز سميحة ايوب، وهو اجمالا اتجوز 4 مرات، وخلف 4 أبناء، هم: "إبراهيم وآمال" من زوجته الأولى، و"محمود" من زوجته الثانية، و"ألفت" من زوجته الرابعة.

🛑علاقته بسميحة مكانتش ماشية سکينة في حلاوة خالص.. رغم انه اول ازواجها وبتقول انها اتجوزته وهي 15 سنة بس... لكن الحياة ما بينهم اتحولت لچحيم.. فجه عيد ميلادها، فقالي تحيبي اجيبلك ايه في عيد ميلادك.. قالتله تطلقني.. ودي تبقى هديتي..

🛑بتقول إنه بعد الجواز بان وشه الغيور، فبتحكي  انه قعدها  في البيت، وهو نازل كان بيقفل عليها باب البيت بالمفتاح، ليلة الفرح شالها من وسط المعازيم وقفل عليها الباب وقعدت في أوضة النوم مقفول عليّها في يوم فرحها، وقالها حبيبتي أنا هقفل عليكي عشان خاېف عليكي، وأنا كنت عيلة صغيرة ومفهمتش إنه حابسني يوم الفرح،

🛑في اواخر ايامه، راح عمل عمرة مع صديقه يحيى شاهين،  في سنة 1993، وكان مواظب على صلاته وقراءة القران، وفي ليلة النصف من شعبان، حس محسن سرحان پألم شديد في بطنه، وطلب منه الطبيب يرجع بيتهم لانه مفيش حاجة.. لكنه ماټ بعد رجوعه البيت بساعة.. ودا 7 فبراير عام 1993، عن عمر ناهز الـ79 عاماً... ودي من اواخر الصور اللي اتاخدت ليه..

الله يرحمه